2017/09/13

“Apple” компанийн жил бүрийн шинэ бүтээгдэхүүн танилцуулах арга хэмжээ энэ удаад Калифорнийн Купертино дахь Стив Жобсын нэрэмжит театрт зохион байгуулж, таван шинэ бүтээгдэхүүн танилцууллаа. Технологийн салбарын экспертүүдийн таамаглаж байсанчлан Apple-ын гүйцэтгэх захирал Тим Кук “Apple компани iPhone X хэмээн нэрлэсэн онцгой iPhone-ын онцгой загвар бүтээсэн”-ийг дуулгасан юм.

 

APPLE ДАРААХ БҮТЭЭГДЭХҮҮНҮҮДИЙГ ТАНИЛЦУУЛАВ


-iPhone 8 ба iPhone 8 Plus

-Дээд зэрэглэлийн iPhone X

-4G Apple Watch

-4K нарийвчлалтай дүрс гаргах Apple TV

 

Тим Кук хэлэхдээ “iPhone 8 ба iPhone 8 Plus загварууд нь Apple-ын жил бүр шинэчлэн сайжруулж гаргадаг загварууд. Энэ удаад цоо шинэ “тархи”-тай болсон. Тодруулбал, Apple-ын A11 бионик чип хэмээн нэрлэсэн шинэ чиптэй, шинэ камертай бөгөөд утасгүй цэнэглэх боломжтой. Харин iPhone X бол онцгой загвар. Хийц загвар, техник үзүүлэлт, хэрэглээ гээд дотоод, гадаад бүх талаасаа онцгой, өвөрмөц бүтээл. Анхны iPhone гарсан цагаас хойшхи хамгийн том алхам хийсэн бүтээгдэхүүн” гэв.

Дэлгэц нь бүхэлдээ гар утасны нүүрэн хэсгийг эзэлсэн, iPhone-ын түүхэнд анхны OLED дэлгэцтэй загвар юм. Home товчлуур байхгүй болсон, ингэснээр таны нүүр царайг таньж, цоожийг нээнэ. Нүүр ба ар тал нь зурагддаггүй шилээр хийгдсэн, бүх талаараа сайн чанарын зэвэрдэггүй ган хүрээтэй.

-Арын камер нь 12 мегапиксел хос дурантай. Хоёул дүрс тогтворжуулагчтай. Нүүрэн талын камер нь 7 мегапиксел. Урд камер нь Portrait mode дэмждэг болсон.

 

-Мөнгөлөг ба хар саарал гэсэн өнгөний сонголттой.

-Багтаамжийн хувьд 64GB ба 256GB гэсэн хоёр сонголт бий.

-64GB хувилбар нь 999 ам.доллар, 256GB нь 1149 ам.доллар

-Аравдугаар сарын 27-ноос урьдчилсан захиалга эхэлж, арваннэгдүгээр сарын 3-наас худалдаанд гарна.

-Дэлхийн 55 оронд албан ёсоор худалдаалагдана.

 

 

Үзүүлэлт:


  • A11 Bionic процессор: 6 цөмтэй, 64 бит, 4,3 тэрбум дамжуулагчтай
  • Өмнөх загвараас 30 хувиар хурдан GPU
  • Retina HD дэлгэц
  • iPhone 8/8 Plus: 4,7 инч болон 5,5 инч
  • AR технологийг дэмжих мэдрэгчтэй
  • Камер нь 12 мегапиксел, өмнөх загвараас 83 хувиар илүү гэрэл оруулдаг
  • Арын хэсэг нь шилэн бүрээстэй
  • Утасгүй цэнэглэх технологитой
  • Мөнгөлөг, саарал, алтлаг гэсэн гурван өнгийн сонголттой.

 

Харин тусгай загвар болох iPhone X буюу “iPhone Арав” аравдугаар сарын 27-ны өдрөөс урьдчилсан захиалгаа авч, арван нэгдүгээр сарын 3-ны өдөр худалдаанд гарна. 64GB хувилбар нь 999 ам. доллар бол 256GB хувилбар нь 1149 ам. доллар аж.

 

Үзүүлэлт:


  • A11 Bionic процессор: 6 цөмтэй, 64 бит, 4,3 тэрбум дамжуулагчтай
  • Өмнөх загвараас 30 хувиар хурдан GPU
  • Super Retina дэлгэц/OLED технологи/ – 455 ppi нягттай
  • Царай таних системтэй /Face ID/
  • 5,8 инчийн дэлгэцтэй
  • Үндсэн товчлуур байхгүй
  • AR технологийг дэмжих мэдрэгчтэй
  • Нэг захаас нөгөө зах хүртэл үргэлжилсэн дэлгэцтэй
  • Камер нь 12 мегапиксел, өмнөх загвараас 83 хувиар илүү гэрэл оруулдаг
  • Арын хэсэг нь шилэн бүрээстэй
  • Утасгүй цэнэглэх технологитой
  • iPhone 7 загвараас хоёр цаг илүү цэнэгээ барина
  • Мөнгөлөг, саарал гэсэн хоёр өнгийн сонголттой.

Шинээр танилцуулсан царай таних системийг хурууны хээтэй харьцуулахад 20 дахин аюулгүй гэсэн бөгөөд гэрэл зураг мэтээр хуурах боломжгүй гэсэн юм.

 

 


Танд манай нийтлэл таалагдаж байвал LIKE дараарай!
Сэтгэгдэл
 
Таны нэр:
 
АНХААРУУЛГА: Зочдын сэтгэгдэлд сайтын зүгээс ямар нэг хариуцлага хүлээхгүй! тэмдэгт.
 
IP:166.170.5.85      2017-09-15 08:15:24
Одоо болно ! Хэнд хэрэгтэй юм . Залуу насны мороодол Гар утас л гэж уу ?