ФРАНЦЫН НЭРТ ЖҮЖИГЧИН ЖЕРАР ДЕПАРДЬЕ ХҮЧИНГИЙН ХЭРЭГТ ХОЛБОГДЖЭЭ
1
2018/08/31

Францын алдарт жүжигчин Жерар Депардье залуу эмэгтэй жүжигчнийг хүчиндсэн хэрэгт холбогджээ. Өнгөрсөн даваа гаригт 22 настай франц жүжигчин бүсгүй албан ёсоор  Депардьег цагдаад мэдэгдсэн байна. Харин 69 настай Депардье өөрийгөө ямар ч буруугүй гэж мэдүүлсэн гэнэ. Хэрэг явдал нэрт жүжигчний Парис дахь гэрт болсон аж. Нэр нь тодорхойгүй байгаа хохирогч эмэгтэйг жүжигчин, зохиолч бөгөөд Депардьетэй танил нэгэн байсан гэж Францын хэвлэлүүд мэдээлжээ.

Депардьегийн өмгөөлөгч Эрве Темим “Би Жерар Депардьетай уулзаж, удаан ярилцсаны эцэст түүнийг буруугүй гэдэгт бүрэн итгэлтэй болсон” хэмээн ярьжээ.

Жерар Депардье нь нийт 170 орчим кинонд тоглосон Францын хамгийн алдартай жүжигчдийн нэг. Тэр 1990 онд “Сирано Де Бержерак” киноны гол дүрээр Каннын кино наадмын шилдэг жүжигчний шагнал авч, мөн энэ дүрээрээ Оскарт нэр дэвшиж байв.

Дэлгэцнээс холдсон Депардье сүүлд татвараас зугтаж Бельгид амьдрах болсон, ОХУ-ын ерөнхийлөгчөөс иргэншил авсан зэрэг дуулианд нэр холбогдож байсан юм

 

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
1
  • Khenbish 2019 оны 06 сарын 24 [5.62.62.226]

    хүн галзуурна

Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.