Banner
УИХ-ын гишүүд Их хурлын дарга М.Энхболдыг огцрохыг шаардаж суулт зарлажээ
0
2018/12/06

 

УИХ-ын чуулганы нэгдсэн хуралдаан гишүүдийн ирц бүрдээгүй шалтгаанаар товлосон цагаасаа хоцорч эхэллээ.

Учир нь УИХ-ын зарим гишүүд Их хурлын дарга М.Энхболдыг огцрохыг шаардан чуулганы танхимын үүдэнд суулт зарласан байна. Тодруулбал, УИХ-ын гишүүн Л.Оюун-Эрдэнэ, Т.Аюурсайхан, Ж.Батзандан, Л.Болд нар "УИХ-ын дарга М.Энхболд огцор, М.Энхболд УИХ-ыг даргалах ёс зүйн эрхгүй" гэсэн бичиг барьж суужээ. 

Тэднээс гадна Засгийн газрын гишүүд ч мөн адил чуулганы танхимд оролгүй УИХ-ын даргаар нэлээд хэдэн удаа дуудуулсан юм. Ийнхүү 10:00 цагт эхлэх ёстой чуулганы хуралдаанд гишүүдийн ирц бүрдэхгүй байсаар 10:40 цагт эхэллээ. 

Одоо Үндсэн хуулийн цэцийн 2018 оны 15 дугаар дүгнэлтийг хэлэлцэж байна. 

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.