Banner
МАН-ынханд зарчим гэж байдаг юм бол Д.Сумьяабазарыг ч гэсэн "хөөх" ёстой!
1
2019/02/20

МАН-ын Хяналтын хороо өчигдөр буюу энэ сарын 18-нд хуралдаж, НИТХ-ын төлөөлөгч С.Мѳнхчулуун, Ц.Сандуй нарыг МАН-аас гарсанд тооцох шийдвэр гаргасан билээ.

Энэ тухай МАН-ын Хяналтын Ерөнхий хорооны дарга Д.Батбаатар өчигдөр мэдээлэл хийх үеэрээ : “МАН-ын дарга, Монгол Улсын Ерөнхий Сайд У.Хүрэлсүх нийгэмд шударга ёсыг тогтоохын төлөө анхаарч ажиллахаа зарласан. Үүнийг намын гишүүдээсээ эхлэх зорилт дэвшүүлсэн. 2016 оны сонгуулийн дараа “60 тэрбум”-ын гэх хэрэгт МАН-ын нэрийг холбож, хариуцлага алдсан М.Энхболд, Ц.Сандуй, А.Ганбаатар нарт хариуцлага тооцох ёстой гэсэн дүгнэлтийг 2018 онд Хяналтын ерөнхий хороо гаргаж байсан. Манай нам хэн нэгнийг намаас хөөх шийдвэр гаргадаггүй.

 

Харин намын дүрэмд Хяналтын Ерөнхий хороо МАН-ын гишүүнээс гарсанд тооцох тухай асуудлыг шийдвэрлэнэ гэж заасан байдаг. Энэ хүрээнд МАН-ын гишүүн Ц.Сандуй,  С.Мөнхчулуун нарыг намын гишүүнээс гарсанд тооцох шийдвэр өчигдөр буюу энэ сарын 18-нд гаргалаа. Тухайлбал, 2016 онд Нийслэлийн МАН-ын хорооны даргын үүргийг гүйцэтгэж байсан Ц.Сандуй намын дүрэмд заасан “намын нэр хүндэд сэв суулгахгүй байх, намын нэрийн өмнөөс сонгогдож, томилогдсон албан тушаалтан нь хуулийг чанадлан сахиж, аливаа явцуу үйлдлийн нөлөөнд автахгүй байх, ёс зүйн хэм хэмжээг мөрдөх” гэсэн заалтыг зөрчсөн хэмээн үзлээ.

Харин С.Мөнхчулуун нь МАН-ын дүрмийн “Намын эв нэгдлийг хамгаалах, намын нэрийн өмнөөс сонгогдож, томилогдсон албан тушаалтан нь хуулийг чандлан сахиж, аливаа явцуу үйлдлийн нөлөөнд автахгүй байх, намын албан ёсны шийдвэрт хүндэтгэлтэй хандах, удирдах шатны байгууллагуудын шийдвэрийг зөрчихгүй байх” гэсэн заалтыг зөрчсөн байна” хэмээн тайлбарласан юм.

Үүнийхээ дараа  НИТХ-ын төлөөлөгч С.Мөнхчулууныг Тусгаар Тогтнолын Ордон руу ч  нэвтрүүлэхгүй, хамгаалагчдаараа хөөж, жудаггүй авир гаргаж байв.

Хэрэв Д.Батбаатар гэгчийн ярьсанчилан "Намын эв нэгдлийг хамгаалах, намын нэрийн өмнөөс сонгогдож, томилогдсон албан тушаалтан нь хуулийг чандлан сахиж, аливаа явцуу үйлдлийн нөлөөнд автахгүй байх, намын албан ёсны шийдвэрт хүндэтгэлтэй хандах, удирдах шатны байгууллагуудын шийдвэрийг зөрчихгүй байх” гэсэн дүрэм нь үнэхээр үйлчилдэг л юм бол Уул Уурхай, Хүнд Үйлдвэрийн Сайд, УИХ-ын гишүүн Д.Сумьяабазарыг ч МАН-ын гишүүнээс гарсанд тооцох учиртай.

 

Учир нь 2018 оны 9 сарын 18-нд хуралдсан МАН-ын Удирдах зөвлөлийн хурлаас С.Батболдыг Нийслэлийн МАН-ын даргад нэр дэвшүүлэхээр болсон ч маргааш нь Д.Сумьяабазарыг нэрийг УИХ-ын гишүүн Х.Нямбаатар заалнаас нэр дэвшүүлж, улмаар Нийслэлийн МАН-ын хорооны дарга болсон билээ.

 

Монгол Ардын Нам хэрэв ганц нэг хүний өмч, хэсэг бизнес бүлэглэлийн "тоглоомын нам" болчихоогүй л юм бол дүрэм журам нь гишүүддээ эн тэнцүү үйлчилж, албан тушаалын төлөө намынхаа бодлогыг сөрсөн Д.Сумьяабазарыг намаасаа "хөөх" учиртай биз ээ.

Үгүй бол 98 жилийн түүхтэй энэ нам өнөөдөр ердөө л хэсэг хүмүүсийн дур зоргоороо аашилдаг бүлэглэлийн дарангуйлал үнэртсэн  "оромж" болжээ гэж дүгнэхэд ч болохгүй гэх зүйлгүй.

 

 

С.Сарнай

ЭХ СУРВАЛЖ: SONIN.MN

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
1
  • Zochin 2019 оны 02 сарын 20 [202.126.89.210]

    Hurelsukh ene sumiyabazart hariutlag tootsih bljde daraa n chmg bas unagaah l hun bn da hmmm

Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.