Ж.Эрдэнэбат Тост,Тосонбумбын нурууг тусгай хамгаалалтад авах дүйвээнээр лиценз авчээ
3
2019/10/17

Ж.Эрдэнэбатыг Ерөнхий сайд байхад Өмнөговь аймгийн Тост, Тосонбумбын нурууг улсын тусгай хамгаалалтад авах шаардлага хүчтэй өрнөсөн ч Б.Чойжилсүрэнгийн талбайг үлдээж тусгай хамгаалалтад авсан. Ингэхдээ Тост, Тосонбумбад олгогдсон байсан “Эм Эф Ай”,”Мөнхийн номхон далай”,”Намуунтод”,”Элбэг орд” компаниудын тусгай зөвшөөрлийг цуцалж, оронд нь өөр газарт тусгай зөвшөөрөл дүйцүүлэн олгожээ. Энэ дундаас “Элбэг орд ” компани Тост, Тосонбумбад эзэмшиж байсан “Улаансайр ”нэршилтэй 1 тусгай зөвшөөрлийнхөө оронд Хүрмэн суманд “Улаансайр-1”, Гурвантэс суманд “Улаансайр-2” гэсэн 2 тусгай зөвшөөрөл авчээ. “Элбэг орд ” компаний бонуст очсон “Улаансайр -2” нэртэй лиценз удалгүй Ерөнхий сайд Ж.Эрдэнэбатын төрсөн дүүгийн эзэмшлийн компани руу шилжиж, улмаар “Алтай констракшн”-ы Х. Бат-Эрдэний шинээр үүсгэн байгуулсан “Бэст майнинг” компани руу очсон байна. Ерөнхий сайд байхдаа хийсэн түүний энэ үйлдэл авлигал, ашиг сонирхолын зөрчил байх магадлалтай учраас хууль хяналтын байгууллага шалгаж байгаа гэх мэдээлэл байна. Монгол улсын 29 дэхь Ерөнхий сайд Ж.Эрдэнэбат уул уурхайн лиценз, алтны нинжа нартай эртнээс холбогдсон нэгэн. Тэрээр Сэлэнгэ аймгийн Засаг дарга байхдаа Ерөө суманд нинжа нартай “шороон овоолго угаах” нэрээр гэрээ байгуулан ой мод устай газрыг ухуулж хууль хяналтын байгууллагад мөн л шалгуулж байсан нэгэн. Ерөнхий сайд байхдаа ч лицензийн наймааны томоохон хэрэгт орооцолдсон нь ил болж байна.

Сэтгүүлч Б.Отгон

Мэдээлэл


Хэрэглэгчийн оруулсан сэтгэгдэлд манай сайт хариуцлага хүлээхгүй болно.
3
  • Mip 2019 оны 10 сарын 17 [213.162.68.229]

    сонирхолтой

  • Зочин 2019 оны 10 сарын 17 [202.131.243.186]

    шуналын дэв бузар

  • Дорж 2019 оны 10 сарын 18 [150.129.143.93]

    Ийм муу энергитэй хүмүүсийг ерөнхий сайд байсан гээд хамгаалалтад аваад байх ямар хэрэг байнаа. Ямар гавьяа байгуулчихсан биш. Төрийн ордрн дотор нойл орохдоо хүртэл хамгаалалт дагуулдаг гээд боддоо.

Copyright © 2018 paparatsi.mn Зохиогчийн эрх хуулиар хамгаалагдсан. Мэдээлэл хуулбарлах хориотой болно.